農曆新年違泊嚴重，但到了正月十五元宵日仍有缺德違泊車，在鯉魚門海鮮街違泊黑點出現。昨日（2日）就有兩名司機疑將車泊在鯉魚門路邊巴士站，導致巴士無法埋站上落客，但其中一個司機取車時疑惡人先告狀，斥責巴士車長將巴士停在旁邊，導致他無法出車。有路人看不過眼直斥：「自己錯先還不認，他們有資格把自己的私家車泊在巴士站嗎？」
從事後網民上載到Facebook群組「香港突發事故報料區」的圖片所見，一對男女將一輛白色私家車停泊在鯉魚門崇信街的14X線巴士總站外，而他們前方有一輛灰色私家車，同樣在巴士站停泊，網民稱該對男女停好車後，便到附近用膳。
貼文者稱，當二人用膳後返回巴士站取車，卻發現因巴士站未能埋站，所以巴士只能泊在隔離行車線，令車長得以休息。由於前方亦有另一輛私家車阻塞巴士站，導致二人無法駛走私家車，於是他們走向泊在後方的巴士，並拍門向車長投訴：「個司機泊喺度又走咗去，阻住我出車」。
貼文者直斥司機無理，並反問他：「明明有停車場唔泊係要泊街、明明係你泊巴士站，調轉話架巴士阻住你？」
網民幾乎一面倒批評二人的行徑，「依家好多呢啲人，蠻不講理，都唔諗下有冇阻到人先拍」、「不知所謂，自己錯先還不認，反而指人錯！」、「個個都係咁泊完全無理到巴士埋唔埋到站㗎喎」。有網民認為私家車司機可能違法，「私家車泊巴士站好似係違反交通條例喎！」
網民有話說
Homan Li：呢啲咪打横講，而家好多呢啲人，蠻不講理，我想問乜揸車真係玩哂，都唔諗下有冇阻到人先拍。
Valentino Chan：不知所謂，自己錯先還不認，反而指人錯！吓？他們有資格把自己的私家車泊在巴士站嗎？
Jackie Leung：巴士應該改為N字通宵車，小姐我仲有兩個鐘先開車喎，請你耐心等候
Sherman Lau：私家車泊巴士站好似係違反交通條例喎！
Patricia Tang：依家啲人根本就當巴士站係合法兼免費停車泊車區，個個都係咁泊完全無理到巴士埋唔埋到站㗎喎！
※緊貼網民熱話，掌握最熱話題，請關注網民熱話fb：
http://on.fb.me/1L3m1ro
本文來源：http://hk.on.cc/hk/bkn/cnt/news/20180303/bkn-20180303171735981-0303_00822_001.html
.jpg?x-oss-process=image/resize,p_100/format,webp)