考車價錢昂貴、排期又長，一旦「肥佬」要重考不知何年何月先考獲車牌。有元朗女考生網上報喜，指她昨日（27日）成功考獲車牌，但過程卻戰戰兢兢，經過一段路面時，「有死車頂住又多車cut（切）唔到線」，正當不知所措之際，幸尾隨一架貨車見她正在考牌，出手打救，幫她擋住後面的車，最終讓她成功合格。此事令她大感人間有情，遂希望借網絡力量向貨車司機傳達謝意。
合格的考生事後在Facebook專頁「盡在元朗」多謝該位5.5噸貨車司機。她指出，昨日下午3時，她正進行駕駛考試，當經過元朗一個燈位時，多得後方一架5.5噸貨車「幾乎停車同我閘住後面嘅車讓我cut （切）線」，令她順利完成路試。令她覺得人間有情、感動萬分。更表示「不負你嘅幫忙，我pass（合格）了」，由於當時正在考試太緊張，她沒有記住幫忙的貨車車牌，於是希望在網上傳達謝意。
不少網民都讚賞這好人好事，認為各司機也做曾過學神，該司機只是舉手之勞。但有人卻認為事主要靠人幫忙才合格「唔知好事定壞事」，有人認為後方貨車司機，只是避免學神阻路，才想方法讓她盡快通過，認為「唔幫你都唔知幾時行得」。
網民有話說
Ray Ting：司機先生好人，但馬路如虎口，唔係個個都好心啊，攞到牌如果唔多吸取經驗，無人會讓你的。小心開車，開心駕駛吧。
Keylex Chow：一定咁做啦，大家都做過學神一刻。
Po Yeung：唔知好事定壞事。
Odee Wong：如果冇信心，補多幾個鐘。特別補多幾個夜晚的鐘。早上＆晚上感覺不同（對新牌來說）。
Chun Yu： 我早幾日考中型，有架小巴讓我，但係師傅教鏡見到架車都唔出得，我冇博，我轉多一圈迴旋處先再出。
※緊貼網民熱話，掌握最熱話題，請關注網民熱話fb：
http://on.fb.me/1L3m1ro
本文來源：http://hk.on.cc/hk/bkn/cnt/news/20180228/bkn-20180228152017614-0228_00822_001.html
