The Club 帶你捉緊體壇熱話、潮流Jetso！
我要捉緊: https://goo.gl/8pZ9RQ
香港「四眼Cue后」吳安儀榮升桌球世界一姐，雖然剛於英國公開賽四強止步，但今天返港的她心情不俗，更吸引不少記者到場採訪，場面熱鬧！
在英國公開賽晉級16強後，吳安儀升上世界第一，第一時間打給爸爸報喜，過程十分搞笑：「我用視像打畀爸爸，但我唔記得嗰陣係香港時間年初三半夜，佢瞓到朦朦朧朧，我見到畫面黑漆漆，又見到隻耳仔，就即刻同佢講，好喇早抖喇。」雖然對安儀來說這個世界第一比預期來得快，但這也是她最好的新年禮物。
能夠成為世界一姐，「安儀」認為，除了自己的努力外，這個成績是團隊合作得來，這個世界排名亦只是開始，往後還有很多地方需要改進：「排名升咗級壓力一定會有，如果自己想keep住呢個排名，要發揮得更穩定，心態同技術都仲有好多要改進。」對她來說排名升級是一個過程，要維持就是另一項大功課，她更笑言可能過幾個星期就會「跌番落嚟」:「同其他運動項目一樣，上上落落係一定會有，我自己唔覺得以我嘅能力可以維持到好耐，但無論排第幾，每場比賽我都盡力去打。」
回想2009年岀道至今的經歷，到今天成為世界第一，「安儀」坦言仍感驚喜：「調番轉頭諗，因為我讀書唔叻，自己都係諗住跟爸爸喺桌球室做吓嘢，執頭執尾，冇諗過可以發生到咁多事，到依家可以去咁多地方見識，參加咁多比賽，但目標係要一步一步去行，之後維持呢個排名又係另一個新目標。」
三月將以衛冕身份到馬爾他岀戰世錦賽，吳安儀說：「上年攞冠軍，如果想要衞冕學識點樣去處理壓力。」要衞冕最大勁敵是前世界一姐伊雲絲，在剛剛完成的英國公開賽，對手更次打岀一棒過百的成績，看到對手的好表現，安儀坦言令自己更有動力去練習。
在年二七離港參賽，今天初五返港，正式踏入狗年後，吳安儀有什麼目標，她表示：「希望屋企人同愛犬身體健康，新一年可以參加更多比賽！」
The Club全力撐香港運動員
立即換盡食買玩著數？
免費登記啦：https://goo.gl/MDJXWg
Follow東網體育IG一齊撐本地運動員！
http://bit.ly/2EYxoRh
東網體育FB同你追實體壇每個精彩時刻！
http://bit.ly/2ecTF2A
本文來源：http://hk.on.cc/hk/bkn/cnt/sport/20180220/bkn-20180220131817061-0220_00882_001.html
.jpeg?x-oss-process=image/resize,p_100/format,webp)